Një tjetër aksident zinxhir, pas atij të së martës, ka ndodhur të enjten, në Veternik të Prishtinës.
Aksidenti ka ndodhur rreth orës 17:30, me ç'rast disa vetura kanë pësuar dëme.
Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Ajo ka bërë të ditur se në aksident kanë qenë të përfshira gjashtë automjete.
Policia ka dalë menjëherë në vendin e ngjarjes për t'u marrë me rastin, ndërsa si pasojë e aksidentit janë shkaktuar kolona automjetesh në rrugë.