Ky qiri i përjetshëm duke e kujtuar Rugovën

Kultura

Ky qiri i përjetshëm duke e kujtuar Rugovën

Nga: Nexhat Halimi Më: 22 janar 2019 Në ora: 19:46
Nexhat Halimi

Ky qiri i përjetshëm

duke e kujtuar Rugovën

qiri vetëm e flutur e djegur ëndrrës

s`mund ta kuptosh ndryshe gjakun nga pik

sepse e çara qe aty në vetë zotin qe

kaq vjet nga vdiqëm rreth pusi

ndërmjet pemës dhe hirit të fjalës

liria të çelte lulen sall në etjen e robit

pa gjet` shërim për sëmundjen e gemit

gjaku i vjetër nga e pik në ëndërr

ja vetëtima e urtisë ende nga bie ashtit

i mirë është dhe ky emër Ilria the

veç dhe lulja bozhur e rrënjës së yllit është

nga gjaku në vete çel zjarrin e vet dhe të ujit

me fyellin e ashtit mitik në shokë

                      

Ndërmjet gurit e fjalës dhe mollës

kaq vjet nën rojë gjarpri bri artë

siç merr ngjyrën e manushaqes në hi

ky qiell dhe ky gjak yt Imi dhe ky qiri

ja veç zjarr i ujit veç flutur e ngrirë në ajër 

mbi dy rrjedhat e bunës nga fluron.

commentFirst article
Sot mund të lexoni Shfletoni kopertinat