Oscar ka marrë një vendim tjetër ku i ka shokuar të gjithë.
Organizatorët kanë vendosur të anullojnë një vendim të mëparshëm për të prezantuar katër çmime gjatë rekalamve.
Kjo erdhi sepse më përpara organizatorët e Oscar ishin përballur me reagime të ashpra nga ana e aktorëve
Fillimisht Akademia njoftoi se çmimet për fotografinë më të mirë, instalimin, veshjeve si dhe “make-up” do të ndaheshin gjatë kohës së transmetimit të reklamave. Çmimet do të jepeshin në internet në përpjekje për të shkurtuar trasmetimin televiziv.
Dhjetëra regjizorë, kinematografë dhe aktorë e kritikuan vendimin.
Organizatorët thanë se i morën parasysh "reagimet" dhe ndryshuan mendje.
Në një deklaratë Akademia tha: “Të gjitha çmimet do jepen në formatin tradicional.”
Por kjo nuk është polemika e parë që Oskar përballet. Akademia vendosi të prezantojë një kategori të re këtë vit por hoqi dorë pas një reagimi të ashpër.
Në ceremoninë e ndarjes së çmimeve të 24 shkurtit nuk do ketë as mikëpritës pasi aktori Kevin Hart u largua pas polemikave për homofobi.
