Pas një pune të palodhshme të nxënësve dhe mësimdhënësve të gjimnazit “Hamëz Jashari” në Skenderaj, doli numri më i ri i revistës “Shkëndijat e Drenicës”.
Ky numër kryesisht iu kushtua Konferencës shkencore të 550- vjetorit të vdekjes së Gjergj Kastrioti- Skënderbeu, që u mbajt më 14 nëntor 2018 në Skënderaj, organizuar nga gjimnazi “Hamëz Jashari”.
Pos kumtesave që u mbajtën në këtë Konferencë shkencore, në revistë mund të lexoni edhe prozë, poezi, ese të shkruara nga nxënësit tanë, si dhe faqen me portrete nxënësish të dalluar.
I falënderoj të gjithë ata që bashkëpunuan me ne, për botimin e kësaj reviste, e në veçanti lektoren Edona Vojvoda dhe Haxhi Bekaj, që u përkujdes për radhitjen dhe dizajnin.