Pjetëri xhelatit i tregoi shenjën
e Krishtit, por xhelati s ́e njihte
mua më therrën si berre; Lan,
të tëra zorrët i kam nëpër duar!
Ai muaj ishte mars, ishte prill:
ai vit ishte 1945 dhe ajo luftë
Kosovën e nxorri të humbur,
me 35 mijë djem të pushkatuar.
Këtu një kufomë, aty një tjetër
dhe një tjetër ,.. dhe një tjetër,..
dhe një tjetër,..o zot, me mija,..
djem të Kosovës të pushkatuar
Për gjenocidin e Beogradit në Tivar
Kosova pyet, pyesin familjarët
pse djemtë tanë na i masakruan
dhe plisin në Tivar na e shkelën!
2
------------------------------------------------
A ka faj Tivari apo prejardhja
për vrasjen e 3785 rekrutëve tanë?
shih, edhe dhimbjes m ́ i dalin lot
e gojës m ́ i merret fjala e qan.
Të pushkatuarit shqiptar në Tivar?
Të pushkatuar nga xhelatët serbë.
Pyesnin, përse duhet të vritemi?
Përse ky kurth i serbëve në Tivar!?
Kosovë o zemër, mos më mallko
Ish zëri i të plagosurit, Avdiu
Se duar e këmbë i kam të lidhura,
Fytyrën me thika ma kanë prerë.
Krimi në Tivar mbetet gjenocid
vrasja rekrutëve i duhej Serbisë
vendim i qarqeve në Beograd ish;
edhe një të Mollë të Kuqe ta vriste!...
3
-----------------------------------------------
A kishte faj udhëheqja Kosovës
për masakrën në Tivar? them po;
mobilizimin e rekrutëve shqiptar
Shtabi i Kosovës e kishte bërë.
Krimi në Tivar ishte i menduar.
ai vazhdoi pastaj në Dubrovnik,
vazhdoi në Likë, Nish e Beograd
Deri më 17 shkurt të vitit 2008.
Ç ́po ndodhë vall me Kosovën?
qanin gjyshet dhe gjyshërit tanë.
Kosova na mbeti fare pa djemë
pa burra për ta mbrojtur vendin.
Tivari ishte një varr i projektuar,
se varre të reja hapeshin çdo ditë,
për ta gjunjëzuar Kosovën , që
Kosova të mbetej nën Serbi!
4
----------------------------------------------
Në Tivar na vrau ushtria serbe
Me një vendim të Jugosllavëve
regrutët u pushkatuan të lidhur
që Kosova të mos vetëmbrohej.
Krimi në Tivar mbetet i gjallë
sado që atë e varrosën thellë;
në Tivar nuk ka një gur varri
për 3785 regrutë të pushkatuar!
Nga Kosova e deri në Tivar
rruga ishte më e keq se në varr,
në atë udhë të mundimshme
shumë nga tanët vdiqën rrugës!
Mes plagëve dhe bajonetave
Pashë në ëndërr vajzën time
kjo masakër duhet të kujtohet
për të gjithë brezat e Kosovës.
5
-----------------------------------------------
Nuk njerizohen xhelatët serbë
as Garashaninët, Andriçët, Rankoviqet
ata vranë gjithandej Toplicën
dhe regrutët tanë një nga një i therën!...
Të pushkatuarit e Tivarit thërarsin
që gjaku i tyre të mos thaj!...
Kosovë, mblidh gjakun tënd,
Mblidhe se është gjak i të rënëve!....
Për krimin e Serbisë në Tivar
Kosova e Tivari duhet të ulurasin
në të gjitha kancelaritë e Evropës
që t ́ i bëhet një gjyq Serbisë.
Serbia me pamje saj të vrasësit
herët a vonë do të përgjigjet:
për krimet mbi popullin tonë,
për gjenocidin e padënuar serbë!
6
---------------------------------------------------------
Pushtimi i Kosovës nga sllavokomunistët
Bëri që të ndodh Tivari
serbët vranë 35 mijë shqiptarë
për të aneksuar Kosovën dardane!..
Prejardhja dhe pushtimi i Kosovës
Ishin shkallët e pushkatimit. –
fliste në zjarrmi Ali Maloku
pak çaste përpara se të vdiste!..
Ne s ́kishim vrarë, as s ́kishim vjedhur
i thoshte Preni plagës së tij!-
Ne po vdesim të pavarrosur
dhe pa një ceremoni varrimi!
Tivari ishte vetëm një varr ,
varre të reja hapeshin çdo ditë,
që Serbia të dërgojë kolonët,
mbi hipoteka të shqiptarëve.
7
----------------------------------------
Ah, sikur të isha pa pranga
dhe duart t ́i kisha të lira, -
do të luftoja edhe me thikat, që
të vdisja me gishtin në këmbëz
Kosovë, heshtja s ́ paska duar
ngrite zërin për të rënët në Tivar
Thërrasin nënat dhe baballarët
Kosova, dhe të ardhshmit e saj.
Kosovë, mblidhe gjakun tënd
Se njëgjakësh jemi shqiptarët:
Këtu një kufomë, aty një tjetër,..
Djem të Kosovës të pushkatuar!...
Mashtrimi i organizuar i Serbisë
nuk ishte kontroll dokumenti,
po ekzekutim i atypëratyshëm
ndëshkim, ndjekje, e pushkatim!
8
------------------------------------------------
Shumë nga regrutët tanë të therrur
zorrët e tyre i mbanin nëpër duar;
ata fluturonin nëpër qiejt e tyre,
por fjalë nuk nxjerrnin nga goja.
Në atë kurth tragjike për Kosovën,
Na u mor Tivari, na u mor Ulqini,
të pushkatuarit në Tivar ishin gjak
i shtetit të ardhshëm të Kosovës.
Mbi lirinë e shkelur të Kosovës
serbët vranë me plumb e bajonetë
me mijëra jemi gjysmë të vdekur,
dhe me mijëra jemi të pavarrosur.
Pushtimi serb shumë na ka vrarë,
xhelatët serbë edhe tani vrasin,
ata po shtien në të gjitha anët,
edhe pas një shekulli krimesh.
9
---------------------------------------------
Për pushkatimet serbe në Tivar
dhe aneksimin e Kosovës nga
ushtria serbo-sllave e Titos,
shkrimet e mirëfillta mungojnë.
Qëllimi i pushkatimit në Tivar
kujtoj se ishte prejardhja jonë,
ndarja Kosovës nga Shqipëria
dhe pushtimi i tokave shqiptare
Në atë kasaphanë çnjerëzore
prilli i detit e mban mend.
Ai do të flasë në çdo kohë
për serbët me pamje të vrasësit.
Gjenocidi i padënuar serb
vazhdon mendësinë e vjetër,
se krimi mund të fshehet
gropave të fshehta të kohës.
10
------------------------------------------------
Ky homazh prushi dhe zemërimi
për Kosovën e vitit 1945, për
rekrutët e pushkatuar në Tiva,
nga ushtria dhe fallangat serbe,
do ta quaja plagën më të patharë
për të gjithë brezat e popullit tonë.
Ky homazh prushi dhe zemërimi
për gjakun tonë të gjithmonshëm
bëri që liria të jetë e pakënaqur
bëri që Kosova të jetë në luftë,
edhe për Tivarin edhe Manastirin...
Prandaj, ky homazh për rekrutët
të vrarë në kurthe nga komunistët
edhe fjalën e bëjnë të qaj e ulëras
Por, kini durim; ata do të zgjohen
posa t ́ i mbushin njëqind vjet
ata do të ngrihen e do të flasin, se
ishin gjak i shtetësisë së Kosovës
gjak i njësimit dhe i përbashkimit!..
