Këshilli i Kosovës për Trashëgimi Kulturore sot do të mbajë punëtorinë “Mbrojtja e përkohshme si masë paraprake në procesin e ruajtjes së trashëgimisë kulturore”.
Përfaqësues të institucioneve të trashëgimisë kulturore të Kosovës, Malit të Zi, Maqedonisë së Veriut dhe Shqipërisë do të diskutojnë mbi praktikat e procesit të mbrojtjes së përkohshme të trashëgimisë kulturore.
Punëtoria do të ndihmojë në shkëmbimin e informacioneve dhe përvojave nga këto shtete.
Po ashtu do të shihen mundësitë për bashkëpunim dhe zgjidhje të përbashkëta të problemeve që mund të kemi në fushën e trashëgimisë kulturore.