Aktori Kevin Spacey është marrë në pyetje në SHBA nga Policia Metropolitane lidhur me akuzat për sulm seksual në Britani të Madhe, raporton Variety.
Është bërë e ditur se detektivët e Scotland Yard udhëtuan në SHBA në maj për të intervistuar fituesin e Oskarit.
Policia tha se ishte intervistuar vullnetarisht – ai nuk u arrestua.
“Në maj të vitit 2019, një njeri u intervistua vullnetarisht në Amerikë, nga oficerë të Ekipit të Rastit Kompleks të Met. Ai nuk ishte arrestuar. Hetimet janë duke vazhduar”, ka thënë një zyrtar policor.
Aktori përballet me gjashtë akuza për sulme seksuale në Britani të Madhe midis viteve 1996 dhe 2013, të cilat ai e mohon.
Spacey, 59 vjeç, ishte drejtor artistik në teatrin The Old Vic të Londrës ndërmjet viteve 2004 dhe 2015.
