Ra Gjeçovi, sot? Jo!
Por, a nuk ishte rrënimi i bustit të tij sot në Zllakuqan, veprim armiqësor mbi identitetin tonë? Po, padyshim!
Përse atëherë nuk (paska) ra, Shtjefni sot?
Sepse, mesazhi që përçojnë jeta dhe dhe vepra e tij, janë kombëtarisht fund e krye të palëkundshme.
Fjala e moçme na përkujton: Armiku s'flen kurrë.
Medet!
Po cili na qenka ky armiku ynë sot, dhe cilat janë motivet e synimet e tij? Hmm?!
Thërras, me këtë rast, arësyen e këthjelltë e mendjen e shëndoshë, që bashkë me intelektualët e mirëfilltë, të gjejnë përgjegjet në pyetjet, këtu më lart të parashtruara (po nënvizoj: mbi motivet dhe synimet armiqësore), gjithnjë mbështetur me preferimin që sipas "yrnekut" të rilindasve t'i japin kahje të drejtë e të shëndoshë edukimit, mendimit e veprimit për gjithë korpusin shqiptar, pa dallim fisi e krahine, si shtete dhe si shoqëri shqiptare, gjithandej.
Më mirë heret se vonë.
