SHIKIM I VENITUR MALLI
Tani po thahet çukina
Vendpushimi i lotëve të tretur
Gjollave të përmallimit
Sytë që shikojnë mendimet
Depërtojnë thellësive të shpirtit
Në zhveshje dëshirash pafund
Rezonacë e përsosur pambarim
Dignozë e pshërëtimave të valëta
Avullim përvëlues rrahjeve te zemrës
Shikimi i venitur tretet hullive të jetës
Mjafton se akoma di të numëroj
Të lexoj numrin e puthjeve zjarrishtave
Nëpër tym e flakë retur
Kujtime të lidhura nyje për ashtin tim
Edhe i vdekur,dëgjoje këngën time
Shiko lotimin e syve të venitur përmallshëm
Deri në amshim...
BELBËZIMË E ËMBËL GJETHI
Vijnë natën do jone kënge
Në cep buze një gaz i fjetur
Melodi hitore
Trazojnë shpirtin që lëngon
Ato valse si fyell bariu i bjeshkëve
Hynin poreve prushnuar etje
Nga ato fletëza ahu shtërnguar buzëve
Nga Baci,
Rapsod i vjetër,gacë dashurie
Pëlciste ajri paluar mushkërive
Një këngë plot epsh dashurie dridhej
Tallej me dehjen time të fshehur
Dhimbjeve të djegura,thëngji kohe
Shpatijeve të shituara,bukuri e çmendur
Rrethuar nga nata, terri e hëna
Dikur,etjen e shuaja krojeve të kallta
Në fletë ahu mbështillet malli
“ Mësyja i natë te stani,eeeuuuu
Boronica plot tavani!....”
Tërë natën shëtita bjeshkëve
I doja edhe lotët tua, hijeshi e rrezitur
Zhurmën e flokëve e doja krahërorit
Ku ujitet kujtesa rrezeve të hënës
Ëndërr vrapoja pas zanit të zanave
Trishtimeve të jetës si fishkëllimë zemre
Damarëve të mërdhirë nga flaka...
Gjakovë,30/31gusht,2019
NATA PA DËSHMITARË
Sonte mërdhij nga zhurmë dënesash
Dhembjet e gjymtyrëve lidhën nyje
Më kafshojnë pa mëshirë,çdo kohë
Piskamë e heshtur shtrydhë palcën
Ikin nga vetëtimat flakruese
Qiellit dëgjohen lehje që trishtojnë
Etjës përvluese nuk di ç’farë t’i them
Kur gacat lahen prockave të natës
Në shkumën e lotëve të mi
Shituar prej zanave të malit
Të vuajtur rrugëtimeve, pa u parë kurrë
Kush e provokoj forcen te ndalë dashurinë
Edhe kur nata flet me terrin
Hijet puthen afshëm
Ajo ska kufij,as pasaportë
Oqeanet,detet do protestojnë....