Kosovë-trëndafil i erërave
I stuhisë, murlanit e tufanit
Kosovë-lulëkuqe erë-lirie
Vatër nderi, bese, qëndrese e lavdie
Gjuhën tënde të ëmbël, e dinë dhe yjet
Dielli, lugjet, kodrat, brigjet edhe pyjet
Të kam dashuri n't'miat poezi
Shqipe dykrenore, flamur kuq e zi
Për ty s'do t'pushojmë vargjet i thellojmë
E me maja lapsash t'vërtetën ta ndriçojmë
N'emrin tënd Kosovë u bënë dhe t'liga
U bënë dhe mynxyra dhe tradhëti u bënë
U bënë dhe pazare dhe mëkate e gjëmë
Të gjitha do të dihen o e dashura nënë
E sot Kosovë, më e çmueshmja dashuri
Ta ndërruan dhe flamurin me hipokrizi
Me mungesë ndërgjegjje deri n'pakufi
Ky flamur me lara ne shqiptarëve
Na mohon etninë, na mohon prejardhje.