Urimin me shpirt e gjak
Kam për Nipin tim Mares,
E faltë, Zoti e faltë,
Shpresën me dritë që po pres!
E enjte, moj ditë e mirë,
3 Tetori, për ne fat,
I begatë, me ëmbëlsirë,
Globi mbushur plot me mjalt.
Erdhi Nipi im Mares,
Me të qarin si tenor,
Gonxhe e freskët mbi vesë,
Lulemjalti në tetor.
Nip nga Odeta dhe Aldi,
Kapetan me yll të freskët,
Falem Zotit që ma fali
Të ardhmen time për nesër.
Perla s'është më e vogël,
Është e rritur dhe sorkadhe.
Maresi i ngjan si një gogël,
Ajo është motra e madhe.
Nip i parë nga djal' i madh,
Lajtmotivi për çdo këngë,
Më bën si drè në livadh,
Se pema ka degë e rrënjë...
