Organizuar nga Shoqata e Artistëve dhe Intelektualëve “Art Club” në Ulqin, ditën e shtunë, më 19 tetor 2019, në ora 19:00 në Galerinë e Qendrës së Kulturës bëhet promovimi i kompletit të veprave “ Nëna Tereze në shtatë shpalime” të autorit Anton Nikë Berisha.
Do theksuar, se botimi i këtij kompleti ka zgjuar interesimin e lexuesve të botës shqiptare dhe është vlerësuar e po vlerësohet lartë nga kritika, si vepër shumëdimensionale që ndriçon figurën e Nobelistes shqiptare Nënë Tereza.
Sigurisht, që merita kryesore për këtë, i takon autorit tani më të dëshmuar Anton Nikë Berisha, i cili me punën e palodhur shkencore e intelektuale , po lë gjurmë të pazëvendësueshme në kulturën, historinë dhe shkencën e albanologjisë përgjithësisht.