Jeho, këngë shqiptare
Në fusha dhe male,
Në kalatë me gurë,
Në arat me grurë!
Jeho, mos u ndal,
Në gjuhën amtare
Për Shqipen me dy krena,
N' kalatë me bedena!
Jeho, mos pusho,
O këngë legjendare,
N' odat plot me burra,
Në lumenjtë me gurra!
Jeho, mos u lodh,
Për Shpatë, Përkrenare,
Të trim Skënderbeut,
Heroit të Atdheut!
Jeho, mos u shuaj,
N'kullat kosovare,
Për trimëreshat çame,
Për motrat dibrane!
Jeho, këngë shqiptare,
Për Shqipërinë e Madhe,
Si n' Kohën e Motit
Të Gjergj Kastriotit!