Ka zënë të zgjerohet, kjo Lista Shqiptare,
Me parti të tjera n'zgjedhje parlamentare!
Paksa me vonesë, Gipës i del gjumi,
Shpërthen me furi sikur flluskë sapuni!
Tha për shtetin amë i bashkohet nismës,
Duke vënë firmën, në fundin e Listës..!
Sa për të vazhduar me disa fjalime,
E për të nxjerr, në gjuhë disa qime!
Se si n'Parlament kur kishte shqiptarë,
Çështja e Luginës nuk na ecte mbarë!
Pastaj nëpër mend sjell një lavdërim,
Kur partia e tij, na qe për bashkim!
Për fatin e keq falë këtij bashkëpunimi,
- Partinë e godiste "sulmi dhe linçimi"!
Tha dhe të tjera, ky farë kryetari,
Duke u krekosur me një stil tugjari!
Ata që e njohin kur ishte n'pushtet,
Politika e tij, thjesht, një "marifet"!
Përçante shqiptarët i linte pa punë,
Për vepra penale, me disa spiunë..!
Ndaj a kthehet prapë, ku na ish' i pari
- Më sa i vdekuri a ngrihet nga varri?!
