12 vjet Kosova shtet
Pavarësi e sovranitet,
Me disa njohje botërore
E marrëveshje vendore!
Midis garash me maska
Reciprocitet ose taksa...
Shtyhet loja pa fund
-Tërhiq e mos këput!
Por, kjo Festë pavarësie
Sjell mesazhe lumturie,
Kryetari Trump me pietet
E uron Kosovën shtet!
Na këshillon sikur shokun
Mos ta humbim dialogun,
Se për ndryshe dreq o punë
E hamë bajgën për samun!
Siç e hëngrën fqinjët tanë
Me "Apaçët" mbi tavan...
Që s'i ndalnin dot fishekët
Deri sa i mbushën brekët!
S'ka nevojë të biem ndesh
E t'na shkoj mundi për lesh,
Kemi ndihmën amerikane
Dhe mbështetjen gjermane!
Ndaj, Kosova si të themi
Mos të bëhet mollë karremi,
Prej që kur u bë si shtet
Le t'kremtoj me dinjitet!
T'rritet gëzimi deri n're
Na prin shqipja n'OSBE,
Me projekte mbi tryezë
Nga Presheva në Prevezë!