-Komandant i dashur
O trim SANDOKAN
Atdheu dhe liria
A thua, çmim a kanë?
-Çmim atdheu s'ka
I dashur vëlla
As liria s'falet
Pasha fushat malet
Por me gjak fitohet
Sepse nuk dhurohet
-O trim SANDOKAN
Vallë, ku e ke LETEN
SOKOLIN e vogël
Që jua ke dhënë jetën?!
-Janë n'male t'atdheut
Si fëmijët e tjerë
Çdo fëmijë i kombit
Për mu' ka shumë vlerë
Kjo që po ta them
Është realitet
T'gjithë fëmijët shqiptarë
I kam SOKOL e LETË!....
Kështu më tha trimi
Ashpër më vështroi
Porsi shqipe mali
Iku, fluturoi
Se hijena e ujqër
Ngado bënin plojë
Trimi u doli para
Turinjtë ua përvëloi
Ua theu dhe qafën
Ua bëri dërmën
Gjakatarët në ikje
Seç e nisën gjëmën
Me duar në kokë
E mallkonin nënën
E shanin dhe diellin
E shanin dhe hënën
Dhe Zotin e shanin
Rënkonin, ofshanin
S'ndalet SANDOKANI
M'sa ndalet tufani