"Ja pranvera sot në Prishtinë
Ku askush më askë ma nuk rrinë"
Sot kisha dashur të shoh
Se si lulëzon pranvera në Prishtinë
Por sot bie borë e acartë
Për njerëzit e acartë
Që do e bëjnë sot Kuvendin
Vallë a e mendojnë
Tw ulën këmbëkryq
Si dikur nëpër oda e traditës
Ku kuvendoheshin
Ligjet e Lek Dukagjinit
Kësaj na i thënqin pranverë
Do të thoshte Fishta
Zemër plasun
O të mjerë
Pa shikoni
Edhe luleve
Ia ka zënë frymën
Bora
As dielli sot s'ka fuqi
As me rrezet e tij
Më ta shkrijë
O Zot pse kjo borë
Mu sot në Prishtinë
Çfarë tregon?
Cila "fajësi" të rëndon
Populli im i gjorë
Kush na qenka fajtor
Pse sot bie borë
Mbi Kosovë
Vetëm fëmijët
Sot gëzohen
Të rrëshqasin
Ke ta pyes
A janë të ndaluara
Lojërat për fëmijët
Sot mbi borë
Ah kjo pranverë
Sa herë ma kujton
Migjenin dhe vargjet
E bukura të tij
Për rininë
"Thuaja këngës rini
Thuaja
Këngës më të bukur
Që di"
Eh cila është kënga
Më e bukur
E rinisë shqiptare sot
Nëse keni sy më pa
Shikoni rrugëve të Evropës
Ajo rininë tonë e ka
VIVA ITALIA
Me ty jam Italia
Ashtu si qelli e toka
Jemi bërë lutje për ty
Sëbashku me botën
Amerikë e krejt Evropën
Sërish do e mund të keqën
Përballë Ferrit të Dantes
Me emrin e Zotit
Je fituese
Të njoh unë ty
Që dymijë vjet qytetërim
Për freskat e bukura
Të mjeshtërve të mëdhënj
Mona Lizën
Kur ma bëre të jetoj
Edhe në kohën time
Ti u bëre atdheu i dytë
Për miken time
Bota pa ty është e mjerë
Ti je rrita dhe dashuria platonike e saj
Duhet të jetosh për botën
Ashtu siç jetojnë zotnat për ty
Viva Italia
Në shpirtin tim
Je vetë Evropa e mirë
E kujtoj 24 marsin e vitit 1999
Kur u bëre pjesë e lirisë sime
Më nxore nga ai Ferri i Dantes
Famkeq
Tash e kam për fytyrë
Të lutem për ty
Jetoftë Italia
Dua ta harroj veten
Për ty Itali
SËRISH PENG
Çdo njëzet vite
Mbetëmi peng
Sikur të ishim ne Ufo
Trupin e kam t'harruem
Nga luftërat
Tani flas vetëm me sy
Më janë bërë më shumë se katër
Ju kam borxh buzëqeshjen
I kam sy të shqiponjes
Jetoj t'i kem sy të diellit
Të flasim burrërisht mes vete
Ta mundim vetminë
Peng jetohet
Veç për fjalën e dhënë
Pesë shekuj kemi jetue
Peng të atdheut
Derisa u bëmë të gjithë
Promothe
Këtë herë jemi peng
Të së vërtetës
Ku ruhet jeta e trupit tim
Peng do të rri
Edhe për sytë e zogjëve
T'i shohim a fluturojnë
Kah yjet a nga deti
Edhe për fjalën e burrënore
Të Shqipnisë së Fishtës
Rri peng
Edhe sa herë do të qëndroj peng
Kush e di
Dhe për cilën fjalë
A për cilët sy
Më duhet të rri
ANTE PORTAS
Dikur fshihej pas derës
Fytyra e marrë
Sot të gjitha dyert i janë të hapura
Më s'na i kapin sytë
T'i shohim fytyra engjëllore
Në hanibal dhemb për dhemb
Mjerisht janë shndërrue
Sikur jemi vërbërue
I kemi harrue gjyshërit
Kur më thonin:
Bir ujë fle
E armiku s'fle
SI T'Ë BESOJ
Më duhet më u ba
Gotë e dehur
Për më besu
Më u mbushë
Deri sa botën nuk e zë ma
Më lanë shumë vend
Edhe për fajësinë time
Pse shkova aq larg
Sa të ju besoja njerëzve në jetë
Kisha qenë gabim
Se asgjë në botë
Nuk paska qenë e vërtetë
Kur dheu i këaj toke
Nuk i ka mallku hijet
E hafijet korbiane
Mua s'më paska mbetur tjetër
Veç më u dehë
A më u qartë në ujk
Për më jetue çmendurinë
E jetës se tij
A kanë mendue për zogjtë
Ngado të fluturojnë
Në këto çaste paniku
A ka mbetur vend për varr
Për luftëtarin e rënë
Në betejat fyt me fyt
Me shkitë e karpateve
E kanë thënë para meje
Se burrat një herë lindin
Por çdo ditë vdesim
Pak nga pak
Sa budalla bëhem
Të rri këmbëkryq
Të pres hapjen e portës
Se kopshtit të Edenit
Kujt t'i besoj
Se zogjtë do të jetojnë
Të vetmuar
Kur fytyrat tona
Do të bëhen një ditë
Shkrumë e hi
Ose njeriu a mund të jetoj
Pa aromën e Mollës se Adamit
Dymijë vjet i besova lirisë
Nëpër ëndrra
Dymijë vjet mbeta peng
I ferrit për liri
Veç mikes së luftëtarit të rënë
Për këtë tokë
Dua t'i besoj
Nëse ka shpëtue
Nga puthjet e gjakosura
Të betejave
Për ta mbrojtur nderin e vet
Më besoni
As vetes ma s'dua t'i besoj
Dua të iku nga kjo ëndërr
Më besimin që më mbanë gjallë
Në jetë
Vetëm rikthimi i Gjergjit
Në Shqipërinë time
Ishte i vërtetë.