A je zanë

Kultura

A je zanë

Nga: Agim Desku Më: 29 mars 2020 Në ora: 23:04
Agim Desku

Erna

A muj më t'thanë

Zanë

Apo je shndërrue vetë

në Hanë

Veç n'sytë e tu

dallova rritën

Për Ty

Dielli e fal dritën

Dua t'besoj

Se ma s'ka stuhi

Tani toka rri e qetë

Kanë më dalë lulet për ty

Bashkë me yjet

N'preher t'nanës

Ke më u kthy

Para derës rri në pritje

E mira nanë

Kur t'i kthehesh

N`Doruntinë

T'i çojmë vëllëzërit

Hypun mbi atkinë

Për më t'marr

Më të kthye n'shtëpi

N'parzmë të nanës

Më u çmallë

E di Erna

Që n'legjendë je shndërru

Sa më ngjanë në heroinë

Sikur Shotë Galica

Ke marr lavdinë

Bashkë me Rozafën

Atje mbi Shkodër

E ruani Shqipninë

Nga njëqind Bajlozët

Kemi më u ba

Edhe na luftëtarë

Për ty Erna

Edhe për Shqipni

Ndoshta pak është

Mu shkrumu n'zjarr e n`hi

T'kemi dhanë besën

Dhe fjalë të shejtë

Do të jenë brezat

Ata që të lexojnë

E dinë ku je

E shndërruar në hyjni

Kënga dhe vargu

Do të bajnë shoqëri

HEROINË E JETËS

(Në ditëlindjen e mamasë se Armendit ,Arlindës dhe Arzanit

-heroinës që ma bëri jetën varg të shejtë)

Vitet i kemi t'shënuara

N'ditar t'jetës

Kurrë nuk u mundem

Nga asnjë betejë

Edhe kur me sy tonë

I pamë masakrat e Izbicës

Reçakut,Mejës e...

Çdo çast jetën e kisha si t'heroit

Edhe atëherë kur buzëvdekjes

Më qëndrove heroine

E kemi rujtë fjalën shqipe

Për Shqipninë e lire

Kemi qëndrue

Dhemb për dhemb

Me perandorët vrastarë

Në dysh na i ndau zemrat

Vetëm loti i mërgimimit

Sa herë agimi sjelli ditën e re

Zgjohem me përqafimet e largta të nipçes

Nënë

Në shqipen e Fishtës

I vjen urimi

Nga Roni,Kiara,Aria,Armendi dhe Antigonja

Dhe ç'na qetëson

Buzëqeshja e Oenes

Sikur do më fol

Diçka të bukur me gjyshën

E në këngën e Aureles

Sot festojmë

Një tortë dykatëshe

Nga Dea,Venesa dhe Arlinda

Birit tim Arzanit

I uroj çaste festive për mamanë

commentFirst article
Sot mund të lexoni Shfletoni kopertinat