Do të ndriçojë pishtari patjetër
Shpejt do bashkohen shpirtërat binjakë
Prapë do këndohet kënga e vjetër
Do jetojmë jetën çiltër, pa merak.
Nuk e lë ëndrrën time ta marrë era
As shpresat e juaja të ikin s'i lejoj
Ne jemi zemërmirë, prandaj lind pranvera
Fillimin e saj unë po ua kumtoj.
Brenda heshtjen veç një këngë malli e thyen
E tavanin e shikoj përherë nga nostalgjia
Momentin familjar askush s'e shlyen
E dijeni të gjithë se na ka munguar shtëpia.
Edhe iluzionet e saj mirë s'i paskemi kuptuar
As muret e saj mirë s'i kemi ndier
Çastet së bashku jemi duke i jetuar
E shihni,
Askush më shumë se familja s'ka vlerë...!