Bukës i thotë ujë,
Ujit i thotë bukë,
Ujkut i thotë dele,
Deles i thotë ujk!
Natës i thotë ditë,
Ditës i thotë natë,
Patës i thotë pulë,
Pulës i thotë patë!
Nënës i thotë babë,
Babait i thotë nënë,
Hënës i thotë Diell,
Diellit i thotë Hënë!
Qiellit i thotë det,
Detit i thotë qiell,
E diel i thotë t'hënës,
Të hënës - e diel!
Pjeprit i thotë kungull,
Kungullit i thotë pjeprër,
Thekrit i thotë grurë
Grurit i thotë thekër!
Tërshërë i thotë misrit
E misrit- tërshërë,
Gërshërëve u thotë lugë
E lugëve- gërshërë!
Tepsi u thotë pjatave
E pjatave- tepsi,
Shtëpive- kotece,
Koteceve-shtëpi!
Dardhës i thotë mollë,
Mollës i thotë dardhë,
Të bardhës- e zezë,
Të zezës- e bardhë!
Rrushit u thotë kumbulla,
Kumbullave u thotë rrush,
Thotë e çfarë nuk thotë?!
S'i bjen n'fije kush!
Si ai, torollak,
Mos u bëftë askush,
I shet dushk për gogla
Kushdo e gjithkush