Sipas një batute humoristike
Engjëlli n'raportet periodike,
E njofton të madhin Zot
Për vdekjet e Koronës në botë!
Merr shembull Kinën e Italinë
Por, Zoti nuk e prish terezinë,
As te Franca, Spanja e Rusia
Shtetet e prekura nga pandemia!
Kur virusi troket në Shqipëri
Zoti ngrihet me aq shpejtësi,
E qorton Engjëllin kujdestar
Si nuk e kish' njoftuar më parë?!
Engjëlli: O Zoti im të qofsha falë,
Pse nuk e the të paktën një fjalë?
Për shtetet më të mëdha se Shqipëria
Atje ku ka rritje vdekshmëria!
Normal, tha Zoti, pa keqkuptime...
Ata çdo gjë e lënë n'dorën time:
-Përveç luftës politike për pushtet,
Të cilën e bëjnë dhe e prishin vet!