Vitet rrokullisen, një nga një me radhë,
E ky si i fundit mos pastë ditë të bardhë!
E solli "Koronën", këtë lavire vrastare,
Për ta shkapërderdhur botën shqiptare!
S'na ndau Beogradi, Shkupi, Podgorica,
Sa ky lloj virusi i mbështjell me spica....
Politika jonë, ç'u mbush plot haram,
Si po na ndanë për Pashkë e Bajram?!
Tridhjetë ditë agjërimi, s'jemi lodhur fare,
Se sa me këto ndarje, që vijnë ashiqare!
Na bëjnë të ndihemi, në festa pa gëzime,
Më shumë hidhërime, se sa në varrime!
Ne e dimë "Korona", do të shkoj një ditë,
Po si të lirohemi, nga gjithë çoroditë..?!
Për të mos e zgjatur, një varg i Uruar,
Për Festën e Bajramit, qofshi të gëzuar!
