Mjegulla e shekujve edhe sot na ndjek,
me tymin midis nesh, po e zgjasim vetë!
Kush i përgjumur nga tradhtia,
kush nga feja,
kush nga partia !?
Serivilët e ditur e të paditur
nuk i lëshon lakmia.
Sikur me ngjyrat e përziera,
kur pikturon piktori në letër,
koha po ua zhveshë maskat të maskuarëve,
si këpurdhat e kalbura dalin me fytyrë tjetër.
Edhe sa kohë duhet të kalojnë,
dielli që ëndrruam të na rrezatojë?!