Të bukurës së gjeneratës

Kultura

Të bukurës së gjeneratës

Nga: Dibran Demaku Më: 26 qershor 2020 Në ora: 08:39
Dibran Demaku

 

pagëzuar të kishin me një ëmër të vjetër
që binte ndesh me bukurinë tënde
dikush të kishte zgjedhur një ëmër tjetër
dhe nisur kishte të thurte fijet e një ëndrre

dhe ai dikushi mund të isha edhe unë
mund të ishte një tjetër dhe një tjetër
rrugicat në mes të konvikteve nuk bënin gjumë
prej ecejakeve duke të dhuruar poezi apo letër

veçse ti nuk e zgjodhe asnjërin nga ne
diku tjetër ngelur të kishte syri
ndjenjave dhe ëndrrave u vure fre
dhe nise rrugëtimin duke hudhur çelësin e një dryri...

Zbehja e adresës

nëse një ditë pushon vargu për ty
dije se më nuk rrjedh as loti në sy
jo se më është shuar malli kujtesa
thinjur është koha zbehur është adresa

jo se më është shuar malli kujtesa
thinjur është koha zbehur është adresa
nëse një ditë pushon vargu për ty
dije se më nuk rrjedh as loti në sy

nëse një ditë pushon vargu për ty
jo se më është shuar malli kujtesa
thinjur është koha zbehur është adresa
dije se më nuk rrjedh as loti në sy...

Më ke thënë

më ke thënë se do të vish
në këtë botë o në botën tjetër
dhe me mua do të rrish
për një ëndërr tonë të vjetër

dhe me mua do të rrish
për një ëndërr tonë të vjetër
më ke thënë se do të vish
në këtë botë o në botën tjetër

më ke thënë se do të vish
në këtë botë o në botën tjetër
për një ëndërr tonë të vjetër
dhe me mua do të rrish...

commentFirst article
Sot mund të lexoni Shfletoni kopertinat