Nê mes tuaj jam gatuar
E jam duke u premtuar
që natën do t’jua bëj ditë,
ndaj nga unë mos keni frikë..
Si për vete do t’mundohem;
para jush t’mos turprohem,
me ju do jem gjithë jetën;
në parti të re si n’të vjetrën.
I ri e i vjetër t’gjithë e dini
për çdo gjë n’krah më keni.
Këto fjalë s’jua them kot
se mashtrimin s’e duroj dot.
Unë punës nuk i druhem,
në Kuvend me kot nuk ulem.
Do të punoj me shumë dëshirë
t’jua bëj jetën më të mirë.
Kur t’më shini në pozitë
fare t’mos keni frikë.
Çfarë nuk mbërrihet në këtë jetë,
kur t’jesh në rrugë të vërtetë?
Unë humbjes nuk i druaj
se e kam përkrahjen tuaj.
Derisa në baltë s’më lini
as mua s’më humb durimi,
Në atdheun tonë të lirë
edhe i keqi u bë i mirë…
