Pak jam poet
Me zemrën si det
Herë përplot tallaze
Herë tejet i qetë
Kur t'më ngjiret zëri
Me timin varg flas
Kur shkelet butësia
Me maraz bërtas
Fjalë e besë kur thehen
Zemërohem, rrëmbehem
Dashuria kur shahet
Shpirti seç më vrahet
E bardha po t' njolloset
Zemra më brengoset
I keqi kur prin
Gjaku n'dej më ngrin
Pëllumbat kur lodhen
Për ta fluturoj
Dëshmorët po t' harrohen
Për ta vjershëroj
Thur vargje për qiellin
Për malet majelarta
Për mamanë n'kuzhinë
Me duar të arta
Për motrën mantelbardhë
N' t'detyrës nivel
Për Bilbil Bilbiloshin
T'vogëlushes kurdel
Të gjitha n' varg i kam
Se pak poet jam
