Rogana ime s´është vetëm vendlindje
ajo është atdhe, gjaku im nëpër kohë
është flamur dhe himn kombëtar
shpirt, ti je e tëra kontinentale, qiellore
ke argjilën për të gjitha bimësitë
ke dritën e bardhë të jetës, hënën natore
zemër, tek kjo tokë prehen dashuritë e kaluara
Roganë, përqafojmë së bashku,
shtrihemi humusit të heshtur të arave tona
udhët le të mbushen me fjalë,
kallinjtë i kemi dëshmitar, se
ky vend është fëmijëlindësi ynë!