Andon Zako Çajupi, në kohën e tij (1866-1930), tregon një përrallë elegante në vargje. Shkurt, një mesoburrë , me pasuri e katandi,mbante dy të dashura, një të re, e një moshatare. E reja, për t’u dukur më i ri i dashuri, i hiqte nga koka flokët e thinjura. Bashkëmoshatarja me kujdes i glirte flokë e zeza. Hiq, e mos vin, jarani mbeti pa leshra. ( Ju këshilloj ta lexoni se ka shumë humor.)
Siç e kemi zakon ne shqiptaret , për ditur edhe hollësite e pavlera, dikush do të pyesi: “ O Fatmir ku kërkon të dalësh , që na rikujton këtë përrallë? Ngadalë-ngadale, ëmbël- ëmbël, but- but, do të mundohem të jap sqarime, por duroni deri në fund, se shkurt do t’i bie!
Eshte politika shiptare, edhe kosovare , mendoj , kanë nevojë ta studjojnë përrallën .Vetëm për pesëdhjetëedy ditë të dashurat e lanë Albirtin Kurtin qeros. Aktualisht të dashurat e LDK-së, po punojnë , me përkushtim , për të mos i lënë qime në kokë zotit Hotit. Nga medjat po shohim shumë politkanë kosovarë, të cilët deklarojnë me përkushtim, sëshpejti do t’i ndërrojnë dashnoret.
Me zallamahi është gjëndja në mëmën Shqipëri. Ambasadorët e huaj, që nuk lënë vend pa futur hundët, kanë krijuar disa enigma “artificiale” në kodin zgjedhor. Edhe sot ende nuk është saktësuar, nëse do të legolizohen, apo nuk do të lejohet të bëhen publike dashnoret në fushatën zgjedhore .
Partija në pushtet, përbetohet, stërbetohet, se për te mbajtur timonin, dhe për të ngrënë tepsinë e bakllavës , nuk ka nevojë të zërë dashnore të re . Opionistët biramelë , vënë re, se pozita ka ca enigma në deklaratat e saja . Aty, këtu, pëshpëriten ca flirte para elektorale, natyrisht me dashnore të reja.
E mjera opozitë është më në hall. Nuk ka faj. Dashnoret e shumta e kanë bërë me kohe qose partinë e madhe. Dilema Hamletiane :” Të kemi, apo mos të kemi dashnore në fushatën zgjedhore, që po u troket në derë!”, në SHQUP u ka mpirë trurin shumë intelektualeve . Në dilemë është edhe financjeri i shquar, profesori i ekonomisë. Zoti Genc Rruli ka braktisur profesionin. Për të shëndoshur partinë , ka pranuar të bëhet shef kuadri. Si qëmoti, ka marrë lupën në dorë, për të parë bakteret, viruset e ndryshme, në biografitë e kandidatëve për deputet.
“Fundi daltë për hajer !”- e ka lënë shprehjen Gjergj Mullaga.
