Ditët rendin si ngahera
Bashkë me to rend dhe Rea
Porsi flutur krahëshkruar
Xixëllonja mban në duar…
Çantën e librave sistemon
Për shoqet e vogla ngazëllon
Plot dëshirë e befasime
E pret shkollën mbesa ime.
Fantazon me sy fëmije
Hyn në dyer diturie
Shkon e vjen si nimfë deti
Princesha tek gjysh Mbreti…
Të pret klasa, të pret shkolla,
Të pret libri, të pret loja,
Rritu shpejt, si pemë me dega,
Në çdo hap të buzqeshtë jeta…