Nis lundrimin kleopartë

Kultura

Nis lundrimin kleopartë

Nga: Nga Vlora Rexhaj Morina Më: 10 dhjetor 2020 Në ora: 18:58
Vlora Rexhaj Morina

NIS LUNDRIMIN KLEOPARTË

Nis ëndërrat në lundrim 

Kapiten bëhen shpresat e mia

Qajnë brigje e thejnë stuhi 

Mbi detrat e thellë 

Derdhin dhembjet e mia

Dalldisun qielli vjell rrufe

Kleopartë loti bëhet qenia ime

Treten ylberet 

e bota merrë ngjyrë gri 

Mbi tempujt e Olimpit

Thehet marrëzia

Në mesnatën e qetë

Ku në qetinë t'shpirtit 

ëndërrat bëhen erë 

Vallëzojnë valësinë 

e akulltë 

Të qiejve të harbuarë

Si feniks tretet trupi im 

Mbetet në mes të gjallëve 

Relikt i harruar.
 

FATI

I lidhun cung

Në trarin e kafshuar

Vetmie 

Terri thanë flokët 

E thinjura 

Hingëllon marrëzia 

Në trotuaret e pashkeluna

Si ëndërr e shprishurë

Ecin mbrapsht retë e natës

Mbi qatitë e qytetit 

Dehur 

Teren kujtimet 

E njeriut pa kokë

Mbi shpirtrat molisur 

Struket përqafimi 

Qenje bizare e panjohura jonë.

 

N'MUNDËSH

Nëse mundesh

Ndale kohën 

Puthe në ballë dhimbjen 

Këpute të fundit nyje 

Të territ mesjetar

Se në  lumin e jetës

Demonët derdhen vrerin 

Nëpër degëzat e njoma

Mbeti klithma 

Orfeu nisi psalmet 

Hëna njollë e kuqe gjaku

Përgjakej 

Në pyjet e pashkeluna

Endërrat u shembën

Reliktë mbeti tregimi

Asgjë bota e ngjizur prej hiqit.

commentFirst article
Sot mund të lexoni Shfletoni kopertinat