Nga: Bono Vox (U2, nga albumi “War”, 1983)
Përktheu: Fadil Bajraj
S’mund t’u besoj lajmeve sot
S’mund t’i mbyll sytë e t’i shporr ato dot
Deri kur, deri kur na duhet të këndojmë këtë këngë
Deri kur? Sonte do të mund të lidheshim shpirtërisht
Shishet e thyera nën këmbët e fëmijëve
Trupat e shpërndarë qorrsokaqeve
Por s’më ha palla për thirrje luftarake
Ajo më shpie në gjendje çmendurake
E diela, e diela e përgjakshme
E diela, e diela e kobshme
E beteja sapo ka filluar
Ka shumë humbje, po më thuaj kush ka fituar?
Hendeqet na i gërryejnë përbrenda zemrat tona
Përçajnë vëllezërit, motrat, fëmijët e nënëve tona
Deri kur, deri kur na duhet të këndojmë këtë këngë
Deri kur? Sonte do të mund të lidheshim shpirtërisht
Sonte, sonte
E diela, e diela e përgjakshme
E diela, e diela e kobshme
Fshijini sytë e përlotur
Fshijini lotët
Fshijini sytë e përskuqur
E diela, e diela e përgjakshme
E diela, e diela e kobshme
Dhe është e saktë se kemi imunitet
Derisa fakti është fiksion e TV realitet
Edhe sot miliona dënesin
Ne jemi shend e verë e ata edhe të nesërmen vdesin
Beteja e përnjëmendtë sapo ka filluar
Për të pohuar ngadhënjimin Jezui ka fituar
Një të diele, të diele të përgjakshme
Të diele, të diele të kobshme
