Gjethe t'harrume vjeshte

Kultura

Gjethe t'harrume vjeshte

Nga: Enver Sulaj Më: 14 janar 2021 Në ora: 14:55
Foto ilustrim

N'ma t'mirën faqe të letrës

gërrithat e fjalës notojne mbi kujtime vjeshtake

E sa herë shkeli mbi gjethe t'harrume

Më vjen zani yt si za fyelli,

si erë e thirrje e frikshme

netve të lidhuna me litarë.

Nuk e di pse marrzinat më bajnë me qajtë

Tue kërkue si dikur me ngrehë zhag biçikletën e prishun

E hundëve pluhni s'mlen me shijue aromën e luleve

të këputuna tinëz ballkoneve të zonjave të randa.

Sa e bukur ashtë jeta kur e do marrëzisht

Tue shpue gishtat me therrat e ngjituna kambëve

Për me pa nga vrimat e gardhit fijet e dritës

Që vijnë nga lugina e lumit të egërsuem.

Në ato brigje flenë kandshëm zajet

Dhe psherëtimat e peshkatarëve

tue mbajtun me zor në dorë ngjalën

që butësisht rrëshqet në botën e ujit pafund.

commentFirst article
Sot mund të lexoni Shfletoni kopertinat