Tingulli i pushkës tënde zë i flijimit
E kishte aromën e lirisë së prushitur
Melodinë e vetëtimës në errësirë
N’trojet e veta vdes, ku është lind e rritur.
Unë jam një udhëtar i humbur
Në hapësirat e mërgimit i tretur,
Një ndjenjë më digjet në largësi
Komandant, dua të dialogoj me Ty.
Komandant i dashur, zgjohu njëherë
Akoma i kemi bishat mbi kry,
Mitrovica, urë me derë për t’kaluar
Rreth e përqark kufinjt e kafshuar.
Zgjohu komandant, të lutëm
Car LLazari, e drejton gishtin e metalit
Në mes të Dardanisë tonë të lashtë
Mbrapësht i ka hipur kalit…
Të vie me vjellë prej liderëve cuba
Të dehur si derrat i prijnë politikës,
Kalanë e shembin vetë përbrenda
Rrahin gjoks n’shpindë t’Amerikës.
Zgjohu komandant lëshoja sytë Kosovës
Ky popull i dashur gjithmon krenar me ty,
Qoftë i shenjtë qumshti i nënave shqiptare
Dhe i nënë Zahides, që t’dha zemër e fuqi.