Koha e ngjyrave

Kultura

Koha e ngjyrave

Nga: Gëzim Muçolli Më: 6 mars 2021 Në ora: 14:55
Ilustrim

Në kohë pritje

stina ngjan në stacionet

ku nuk falet vonesa

vetmia është përligjur

me ngjyra ligji e

spektër semaforësh

aty ku njeriu han veten e vet

pa të drejtë ankese

pse kqyr seri

ankth i lajmeve të djeshmes

që zyrtarisht vlejnë sot

kronikë e pandemisë

vjen gërrithëse në

jehonën e çjerrur

koha ka ligje pa pushtet

e pushteti lidh këmbët e veta

me budallallëkun

e të pandërgjegjshmëve

derisa liria është ëndërr

e mbetur përgjysmë

duke parë larg imazhet e

njerëzve me maska

në ardhje të numrave

që përditë

zgjojnë pyetjet e fjetura

në kohën kur takohen ora policore

dhe ora legale

pse o njeri

nuk respekton vetveten

në dashje të lirisë.

*Në pritje të hyrjes përsëri në zonën e portokalltë të masave dhe shtërngimeve ligjore anti-Covid.

commentFirst article
Sot mund të lexoni Shfletoni kopertinat