Burrave, që keqtrajtojnë gratë
sepse ku nuk shtypen ato,
nuk ndihet nevojë për një ditë,
ku burrat,
dhurojnë trëndafil për të kërkuar ndjesë
për 364 gjembat,
apo për 364 ditë keqtrajtim
para Tetë Marsit?!
Tetë Marsi është ditë mashtruese,
ditë kur dhunuesi mendon se shëlbohet
kur beson se shpallet i pafajshëm:
me një lule,
me një rrasht,
por qysh nesër
vazhdon me të vjetrën
me dhunimin e nënës së fëmijëve të vetë!
Tetë Marsi është dëshmi e shtazërisë së burrit;
e diskriminimit,
e komplekseve
dhe çrregullimeve psikike të tij!
Gratë e vetëdijesuar,
gratë e emancipuara
gratë e guximshme,
të drejtat i marrin
nuk i presin si lëmoshë,
si dhuratë,
dhe
nuk ndiejnë nevojë për urime!
Ato respektohen çdo ditë
ato e presin respektin çdo ditë,
sepse Njeri janë çdo ditë,
si thotë ligji,
jo njëherë në vit!
Për urime nuk kanë nevojë as gratë e keqtrajtuara
para dhe pas Tetë Marsit!
Tetë Marsin është ditë e burrave
ku nis shërimi i tyre,
kur nis rritja e tyre
pavarësia e tyre
dhe guximi për t'u bërë burrë
jo guximi për të mbetur foshnje
në prehrin e Nanuses
deri në vdekje!
Burri që urren dhe abuzon me gruan,
le të martohet me burrë,
kështu dëmi do t'ishte më i vogël,
do të kënaqej më shumë
do të jetonte me atë që i pëlqen
dhe do të flinte me atë që përndizet,
por jo me atë që e urren!
