Qetësi mitike

Kultura

Qetësi mitike

Nga: Marjeta Shatro Rrapaj Më: 10 prill 2021 Në ora: 20:24
Marjeta Shatro Rrapaj

Akullnaja në kokën e saj,

thërrmohet,shkrin dalëngadalë,

pikon bulëza uji pikë-pikë,

në pritje të diellit në agim,

për bulëzim gjaku në çdo qelizë

e nisje të këngës së mijëra emocioneve

në të adhuruarën paqe të lirisë,

për fluturim qiellor,për vezullim të përjetshëm

të dashurisë me ekzistencën,

për diellzim e përndritje

për ripërtërije të jetës në qetësi mitike,

me fjalë hipnotizuese e ngashnjyese

përtej mendimit e kohës,përtej dhimbjes,

pa frikë,pa varësi,pa mbizotërim,

pa vetëmishërim,pa ndrydhje dhimbjeje,

me përthyerje simbolesh,metaforash,

për kënaqësi shqisash,dëshirash,ndjenjash,

për shenjtërim të njerëzores në hyjnore.

Shpresa si feniks

Tragjeditë moderne të botës

dëgjohen me pëshpërima të mbytura dhimbjeje

në pamundësi frymëmarrjeje

me sytë e shpikjeve shkatërruese virusale

që sjellin dëshpërimin e jetëve

me të ardhme të errët,trishtuese

që kërkon dritën në fund të tunelit,

kur mohon Zotat e i sfidon për ego,

të shumta do të jenë shuarjet e "lamtumirat"

në luftën e krijuar nga errësimi i arsyes

në fikjen e përkohëshme të shpresës si feniks

që do të rilind mbi vdekjen e vetësjellë

me zjarrin e shenjtë të dashurive

në emër të JETËS,

me rrënjë të forta lirie

ushqyer prej hirit të të parëve.

Marjeta Shatro Rrapaj

Sot mund të lexoni Shfletoni kopertinat