Lugina po zhvishet
Nga kompetencat komunale,
Për të mbetur thjesht
Një bashkësi lokale !
Shkarkimet kur vijnë
N’kohën pandemike,
Rëndojnë më shumë
Mbi baza etnike !
Shteti vesh e zhvesh
Figurat zgjedhore,
Për t’mos pas ndikim
N’organet shtetërore !
Më shumë ka autoritet
N’zyre t’vendit ofiqari,
Se sa me nder jush…
N’komunë kryetari !
S’na ka mbetur tjetër
N’këtë Luginë me vlerë,
Vetëm për të ngritur
”Kullë” rëre në erë!