Në pritje...

Kultura

Në pritje...

Nga: Marjeta Shatro Rrapaj Më: 20 prill 2021 Në ora: 21:42

 

 

 

Qielli ngrihet mbi kokën time

si kapitel i ëndrrave shumëngjyrëshe,

të arta,të kaltra,të bardha,të kuqe...

Akuarel vizionesh,

ku në çdo yll një ëndërr e bukur

që rrokulliset pafundësisë së lirisë

në madhështinë e dashurisë

që vlon në çdo pikë gjaku

ngarkuar me mendimet e së ardhmes,

ku duken e zhduken siluetat e frikës

nëpër fushat qiellore imagjinare

të vetmisë së pritjes së të kthjelltave gëzime...

 

Transformim

Shqisat durojnë pas lutjes

e pas saj lindin vargjet

që zgjojnë dëshirën

e ndjekur nga një shpresë e zjarrtë

e mendimeve në ekstazë vetmie

që kërkojnë ndihmë në qiell

te një kryq i vetëm

që përvëlon e drithmon qenien,

të flas a të mos flas

e hija e vetes zgjatet në natën me hënë

ku flatrat e nostalgjisë

e bëjnë dashurinë të triumfojë

e prej ngazëllimit të ndihet

fisnikërisht e transformuar

në sigurinë e çastit

e paanësinë e absolutes.

commentFirst article
Sot mund të lexoni Shfletoni kopertinat