I
Të thellë e bëmë këtë gjëmë
Ja arritëm tash, ky është fundi
s'lamë gjë njëri tjetrit pa i thënë
Të thellë e bëmë këtë gjëmë
E ti po vdes me hijen në lëmë
Dritat ja i ka ndezur katundi
Të thellë e bëmë këtë gjëmë
Ja arritëm tash, ky është fundi
II
I mbaj mend vetëm dy fjalë
Dashuria përfundon me ndarje
E fjala kërceu ujit sikur ngjalë
I mbaj mend vetëm dy fjalë
Tashmë eci rrugën valë-valë
Shiu i lotëve pikon me sharje
I mbaj mend vetëm dy fjalë
Dashuria përfundon me ndarje
III
Gjithnjë jeta zgjohet në vetmi
Ëndrra ngel veç rrebesh shiu
rëndë pa ty sa rëndë pa gjithësi
Gjithnjë jeta zgjohet në vetmi
Kthej pas çdo gjë ja është errësi'
vjen lagësie sall figurë e një të riu
Gjithnjë jeta zgjohet në vetmi
Ëndrra ngel veç rrebesh shiu
