Regjisorja shqiptare, Luana Bajrami me filmin “Luaneshat e Kodrës” ishte pjesë e festivalit të Kanës e nominuar për çmimin “Kamera e Artë”, të cilin fatkeqësisht nuk arriti ta rrëmbejë.
Këtë çmim e fitoi filmi “Murina” i kroates Antoneta Alamat Kusijanovic, me skenaristët Frank Graziano dhe Melanie Laurent.
Për “Kamerën e Artë” ishin të nominuar gjithsej 31 filma, në mesin e të cilëve ishte edhe Luana, filmi i së cilës mbeti vetëm në kuadër të nominimeve.
Pjesë e këtij festivali ishte edhe Kosova me filmin “Pa vend” si konkurente për “Palmën e Artë” në kategorinë e filmit të metrazhit të shkurtër.
Ndryshe, sonte u shënua përfundimi i edicionit të 74-të të Festivalit të Kanës. Shkruar nga Genita Ukaj.