Sa herë më shkruan
Një rreze dielli
Më ngroh lehtë mbi faqe
Zbret ngadalë e më mbështjell
Sa herë të shoh më thua
Bëhem diell për ty
Sa ka flakë kjo borë e bardhë
Ta kap ketë rreze
Të ngroh mbi mua
Ta fsheh në shpirt
Do më djegë thua
Gjurma me e thellë
Aq sa dëshira pa u plotësue
Për dashurinë
të gjithë kemi rreze shkruar
Dikush mbi letër
E dikush mbi të vërtetën
Vargu më i dhimbshëm
është shkruar mbi zemër
Nga ku s’do zhdukët kurrë
E do jetoj përjetë
Aty ku ke shkelur
Gjurma është me e thellë.
Natë e ftohtë zjarri
Fishkëllimën e erës e ndjeva
Pas veshit fortë frynte apo fliste
Çfarë don të më thotë
Më trokiti zemra këtë herë
Për një çast shumë fortë
Zot si nuk po më del
Ç`natë është kjo sot
Derën gjysëm t’hapur
E një këmbë në tokë
Frika më pushtoi
Që s’po të shoh dot
Më ngrinë duart
Nuk po i marr dot këmbët
Zjarri për ty më çon në ëndërr
Çfarë po më thotë era
Unë e njoh ketë zë
Po më flet dëbora
Edhe ajo për të
E çoj kokën lart
Një lutje zotit i bëj
Mos më çmend akoma
Ta shoh dhe një herë më lerë
Aty shoh dëborën
Më fton në vallëzim
Vazhdoj dhe dëgjoj zërin
“Jam ketu shpirti im”.
