Jam shumë gra…

Kultura

Jam shumë gra…

Nga: Marjeta Shatro Rrapaj Më: 21 korrik 2021 Në ora: 17:06
Marjeta Shatro Rrapaj

E çel ditën

si vajzë ëndërrimtare

sodit agimin në dritare

pastaj kapur nga muza kalimtare

Shndërrohem në gjoja poete,shkrimtare

pastaj si amvisë filloj rutinën e punëve mëngjesore

Bëhem nënë e mirë

pak bashkëshorte grënjare

se duhet rregull çdo ditë

sistemim kohe,programim veprimesh ditore

Papritur zbutem bëhem manare

se jam bija e shtrenjtë e dy prindërve

pak motër indiferente

por shoqe e heshtur e mësuese buzagaze

Pasi I përsërit disa herë rolet gjatë ditës

e mbyll mbrëmjen me të qenit besimtare

po,po,besimtare e devotshme

që i lutem Zotit për bekim

për përkujdesje e ndriçim rruge

sepse jam shumë gra brenda një femre të vetme.

RINGJALLJE

Rilindje pas vdekjes,

ringritje pas rënies,

riecje rrugëve të dikurshme,

riparje vizionesh të vjetra,

për prekje ndryshimesh të reja,

largim nga e padukshmja,

për rendje me vrap në të dukshme,

me sharmim gëzimesh të bardha

që presin ditë të bukura shpresash,

në kohën e ëndrrave poetike

të imagjinatës magjike,

për gjurmë të arta

në historinë e errët

të hierarkisë shekullore

në shenjtërim shpirtrash engjëllorë

në emër të jetës

që i këndon lirisë

që në shkrepje të diellit

deri në perëndim...

Shfaq komentet
comments powered by Disqus
Sot mund të lexoni Shfletoni kopertinat