Ku je o shteti rrumpallë, bën vetëm demagogji!

Kultura

Ku je o shteti rrumpallë, bën vetëm demagogji!

Nga: Agim JAZAJ Më: 2 gusht 2021 Në ora: 09:07
Agim Jazaj

Të zgjedhurit tanë me dorë,

Brënda stallës politike,

“Magjistrat e Barçhelorë”,

Tundin “grada”- mitabike!

 

Nuhatjen e kanë të fortë,

Nga ulluqet vjen paraja,

Të babëziturit në botë,

“Është e jona”- thonë Dynjaja!

 

Hapin e mbyllin defter,

Para kamerës krekosen,

Tunden, shkunden si “lider”,

Ditën me diell, menderosen!

 

Duan pushtet për grupacionet,

Jo shtetin që duan shqiptarët,

Ngrejnë leqe, klane e klonet,

Pusht-pushtetin për zuzarët!

 

S’po gjen derman hallexhiu,

Një jetë të tërë në adhape,

Në zyra matrapazxhiu,

Mban shënime, në qitape!...

 

Me tam tam- trumbetuan,

“Do ngrem shtet për të shërbyer”.

Shqipëtarët i mashtruan,

Prap mbetën duke rrëmbyer!

 

Ikën nga “vellot” e zeza,

Vanë te të “bardhat, zgjyrë”,

“Oktapodhi” qysh në veza,

Nxjerin rasate këllirë!

 

Po nëpërkëmbet njeriu,

Për 30 e ca vjet,

Ranë në breshërin pas shiut,

Po mbeten me syt përpjetë!

 

Emrin që bën nga paraja,

E humbet si bari vesën,

Mëkat e çmon dynjaja,

Pasurinë e vën pa djersën!

 

Rreth tepsisë po vardisen,

Për tepsinë veç mendojnë,

Me timonin “kapërdisen”,

Dhe kusinë e rrotullojnë!

 

Durojnë për bukë e për ujë,

Të mbuluar nga marazi,

Birinxhi në dhe të huaj,

Këtu dhe buza u plasi!

 

Prit e gogësist mileti,

Në tynel të errësirës,

Kërkon drejtësi i shkreti,

Në folenë e egërësirës!

 

As 3 milion shqiptarë,

Me pishë kërkojnë shtetin,

“Duken në rrugën e mbarë”,

Pordhale hap për miletin”!

 

Gju më gju ulur në shesh,

Me miletin “kuvendojnë”,

Kanë sy e kanë vesh,

Para kazanit Mashtrojnë!

 

Nuk shkojnë dot në pallat,

Me mur’e gardhe rrethuar,

Ulërijnë ditë e natë,

Pa pushim qent’e tërbuar!

 

Janë qentë me katër këmbë,

Ata me dy këmbë janë shtuar,

Nuk u rënka një tënjë,

Ore e çast duke kafshuar!...

 

Dy mitaraloz te taraca,

Dhe dy bomba në themel,

Qysh nga ’97-ta,

I mbajnë varur në çengel!

 

Xha Selimi të ish gjallë,

Do i’a merte me oi,

“Ku je o shteti rrumpallë?

Bën vetëm demagogji!...

commentFirst article
Sot mund të lexoni Shfletoni kopertinat