Buzëqeshja e jote po i vret çdo ditë
Ata që si lakej turreshin dikur
E tash si të mjerë përkulen te varri
Ndërgjegje e vrarë u rëndon si gur
Ti me krenari lartësohesh në qiell
Këta me duar të zgjatura kërkojnë mëshirë
Ti me zemër të madhe sikur lutesh
Fali o Zot se çfarë bëjnë nuk dinë
Dhe vjen një ditë kur bëhen bilancet
E mira e keqja ndahen mënjanë
Dikush do të dali me faqe të bardhë
E dikujt as lumi të zezat s’ ja lanë
E ti i buzëqeshur na shfaqesh në shesh
Përball Skënderbeut dukesh madhështor
Për të gjithë ata që humbin rrugën në terr
Ti ua ndrinë rrugën si një meteor