Opera e famshme italiane vjen në Prishtinë

Kultura

Opera e famshme italiane vjen në Prishtinë

Më: 27 gusht 2018 Në ora: 18:39

Më 8 shtator me fillim nga ora 20:30, në Teatrin Oda në Prishtinë shfaqet opera e famshme italiane ‘Katër i Radës'.

E prodhuar nga Cantieri Teatrali Koreja – Lecce, opera ka qenë e komisionuar nga ‘Biennale di Vennecia’. Nga koha kur është prodhuar, kjo operë është dhënë në dhjetëra festivale të rëndësishme evropiane, përfshi edhe në festivalin e mirënjohur MESS të Sarajevës.

‘Katër i Radës’ nuk është veç një operë e kujtesës. Është një përpjekje, që përmes muzikës, të shkarkohet universi i njeriut i cili shkoi për të takuar një nga shumë tragjeditë e Mesdheut: atë të një anijeje të vogël të stërmbushur me burra, gra dhe fëmijë, që u fundos, në mars të vitit 1997 në bregdet të Italisë. Në turmën e një akti të vetëm, të Fundosurit dhe të Shpëtuarit, ata që u shpëtuan dhe ata që vdiqën, zërat e tyre, mendimet e tyre, e posaçërisht udhëtimi i tyre drejt errësirës, plot me ankthe dhe dëshira të vogla, ëndrra dhe frikë, devijime, ndarje, kujtime të rastësishme…

Muzika: Admir Shkurtaj, Libreto: Alessandro Leogrande, Regjia: Salvatore Tramacere, Skena dhe dritat: Michelangelo Campanale dhe Kostumet: Stefania Miscuglio.

commentFirst article
Sot mund të lexoni Shfletoni kopertinat