Fitore shqiptare në Rumani, 17-vjeçarja rrëmbeu trofeun - Bota Sot
Fitore shqiptare në Rumani, 17-vjeçarja rrëmbeu trofeun

Kultura

Fitore shqiptare në Rumani, 17-vjeçarja rrëmbeu trofeun

Më: 11 shtator 2018 Në ora: 17:30
Inis Neziri

Ajo është momentalisht adoleshentja më e famshme në Ballkan. Inis Neziri, 17-vjeçarja nga Shqipëria, është fituese e çmimit të madh në Festivalin Ndërkombëtar “Dreri i Artë” në Rumani.

Nuk i është dashur aspak të mësojë gjuhën për të hyrë në zemrat e rumunëve, sepse kënga e saj “Piedestal”, edhe pse është kënduar në gjuhën shqipe, ka triumfuar mes këngëve konkurruese.

“Ky çmim është tepër i rëndësishëm për mua, sepse është një nga hapat më të mëdha që kam bërë në jetë për shkak se ‘Dreri i Artë’ është një festival ndërkombëtar dhe shumë prestigjioz. Kishte rreth 9 vite që nuk bëhej për shkak të fondeve që Rumania nuk i kishte, por ishte edhe 50-vjetori i Festivalit dhe 100-vjetori i Rumanisë. Duke fituar këtë çmim, besoj se bëra një hap të madh në karrierën time. Jam shumë krenare dhe ende më duket sikur po e ëndërroj këtë pjesë”, tha Inis Neziri, këngëtare.

Inisi nisi të këndonte kur ishte vetëm 2 vjeç, për t’u afirmuar zyrtarisht në skena të vërteta muzikore 5 vite më parë, kur ishte 12 vjeç. “Dreri i Artë” për të është vetëm fillimi i të ardhmes që dëshiron ta projektojë larg Shqipërisë.

“Tani pres dhe shpresoj që të iki jashtë e të bëj një karrierë andej. Pse jo në Shqipëri? Sepse mundësitë janë shumë të vogla dhe jashtë kemi më shumë hapësirë”, tha ajo.

Më të lexuarat
Sot mund të lexoni Shfletoni kopertinat
Sondazh
test
Tjera