Dudumë, “kuqezi”! Rrugaçë, që ende edhe Sot
E kësaj dite, ju mbaj gjallë me poezi erotike:
Në “Çair”. Shkup. Prishtinë. Dhe, Shqipëri.
Dudumë, me vite më helmuat nëpër Taverna
Banesën, ma dogjët në “Çair”. Edhe “xhipin”
Përpara dritareve të Shtëpisë. Para “Sabahut”.
Shtëpinë e Gruas besnike, mesdite në “Serovë”
Gjelbërim. Lule Kopështi. Jetë, në Shkup.
Edhe, e vdiqët Gruan besnike. Gratë e mia Verës
I shtitë në varre. Radhën pres të zgjohem nga varri.
Penën rrok në dorë, varros juve si “patriotë kuqezi”
Me lule-lale e nderime, në Bibliotekën Kombëtare.
Dudumë, që moti kohë keni vdekur në Qeveri
E, Unë ende ju mbaj gjallë me poezi erotike.
Edhe, një Ditë pres, Nesër: do t’ju varros në Histori…
