E heshtur, shumë e heshtur , është kjo natë
Gjumi ikur ka kaptuar bjeshkët larg, sa larg.
Qepallat më janë ngarkuar si barra në kalë
ngarkuar mbi samarin e butë bash si mëndafsh.
Lodhja më kaplon si sapun, si baltë vjeshtë me shi
Po më kalben shpresat si gjethet mes degëve në vite.
Si një sokëllimë sëpate ushtojnë sot veshët e mi.
Frullon jashtë e hyn tufani hyn në dhomën time
O, mos më quani kurrë si një mysafir i paftuar
Lexojeni trishtimin që vjen nga heshtja me mall.
Nga goja e sobës vezullon gaca e prushëruar..
Lodron nëpër dhomë si gjahu i malësorit krenar.
Nga frëngjia e qelqit prushon fjala e poetit të bekuar
E zhgënjimi e mund me forcë durimin e fortë.
S´më lënë fle në kulmin e flurudhës të paharruar.
Shpirtin me fluga të forta sot ma mbullojnë.
