ja pse shkruaj për ty pikërisht siç të dua
me kuptim rrjedhë rrymë e frymë e art
të shkruaj me gjak e të dua në dritë jetike
ta ndiej aromën e përhershme të shpirtit
me shtambë nga zbret për ujë në krua
ec udhë majës së malit shihesh me mua
me zjarr më djeg e përsëri më ngjallë
tash veç të kujtoj e të kam gjithnjë mall
e në iluzion vetmisë ecjes shtegut mitik
pa mendim të ri pa ritëm e aspak muzikë
çirren krijues varrës së fjalës së tyre kot
‘kujt i lidhet ky poet modern abstrakt
tërë kohën mbyllur në guacë hermetike’
s`ka abstrakti nga fjala rrjedh krua
e zjarr i shpirtit shfaqet i qenë e cullak
e shfaqet ylberi mbi ty me kaq ngjyra
e fusha në mes barit ka kaq lule e flutura
e në rrjedhën e ujit lumit dëgjohet lira
e unë zgjedh mendimet e format e bukura
e ndihem kaq poet për ty Kosovë
ja pse shkruaj për ty dhe pse kaq të dua