Serbia kërkon format të ri të dialogut nën përkujdesjen e OKB-së

Lajme

Serbia kërkon format të ri të dialogut nën përkujdesjen e OKB-së

Më: 23 dhjetor 2018 Në ora: 18:09
Nenad Popoviq

Rusia është e gatshme të angazhohet në bisedimet Prishtinë-Beograd nëse SHBA do të bashkohej drejtpërdrejt në këtë proces dhe nëse Beogradi zyrtarisht i kërkon Moskës një gjë të tillë.

Kështu deklaroi ministri i Inovacionit dhe Zhvillimit Teknologjik të Serbisë, Nenad Popoviq.

Ai, pas takimeve me zyrtarët rusë nga Qeveria e Federatës Ruse, tha se hapat e Prishtinës, si vendosja e taksës 100 për qind ndaj mallrave serbe dhe miratimi i ligjit për formimin e Ushtrisë së Kosovës, tregoi se BE-ja "nuk ka fuqi për të ofruar garanci se marrëveshjet e arritura midis Beogradit dhe Prishtinës do të respektohen ", transmeton KosovaPress.

"Këto lëvizje të Prishtinës, si dhe mungesa e reagimit të BE-së,  varros marrëveshjen e Brukselit. Tani, ne kemi nevojë për një format të ri të dialogut në mes të Beogradit dhe Prishtinës, i cili, në vend të përkujdesjes së BE-së, duhet të kryhet në kuadrin e OKB-së, me ndërmjetësimin e SHBA-së, Rusisë dhe Kinës" theksoi ai

commentFirst article
Sot mund të lexoni Shfletoni kopertinat